ZALEN October 28, 2024 : LALBIAKKIMA (BKA) OFFICIAL FANS GROUP -1,2,3&4 leh BKA ZAINGAINATUTE GROUP te chuan LPS Youth Icon-a pathumna Lalbiakkima (BK-a), Thentlang tan engemaw tihsak an tum a, October 29, 2024, Thawhlehni hian group pahnih te sum thawhkhawm atangin Bike leisak an tum.

G-1,2,3,4 LALBIAKKIMA (BKA) OFFICIAL FANS GROUP atanga pawisa hmuh hi Rs. 159644 a ni a, BKA ZAINGAINATUTE GROUP atanga pawisa hmuh hi Rs. 120974 a ni bawk. Heng bakah hian Youth Icon Lalbiakkima Fans Group leh Luangchhuak group ten pawisa hi an thawh ve bawk a ni.

Thawhlehni hian BK-a Bike la turin ruahmanna an siam a, hemi ni hian BK-a fans zawng zawng tawiawm turin an insawm a ni.

BK-a fans te chuan chutihrual chuan buaina siam zawnga khawsa lo turin an inhriattir a, roreltute rorel ngaichang hram hram tur leh, SUZUKI lam te tan pawh hmuhnawm taka awm theuh tur in an inngen bawk a ni. Chawhma Dar 11:00-ah LBS Suzuki, Bawngkawn-ah inngahkhawm tur a ni.

Bike lak zawhah hian a Fans te tan BK-a hi a hranpa a thil pe duh emaw thlalak pui duh emaw te tan hun an hawng dawn bawk a ni.