Laldenga thih cham vawi 33 na : "Mizoram a hmangaihnaah a tum a thlen dawn chuan a nupui fanaute a number one lo" - Dr. Rinzuali (Pu Denga fanu)
Tualchhung
Jul 07, 2023

July 7, 2023; Vawiin hi Pu Laldenga (1927-1990) thih champha vawi 33-na a ni a, zing dar 7 khan MNF party hotuten a thlanah pangpar dahna hun an hmang.

ad
ad

He hunah hian MNF president Zoramthanga bakah, Pu Laldenga (L) fanu Dr. Lalrinzuali pawhin thusawiin, a pa Pu Laldenga'n inremna siam hun lai khan a duh anga thil a thlen lohzia a hrilh thin thu leh a tum ang leh a duh ang hmang hman lova a boralsan thu a sawi.
 
Dr. Lalrinzuali chuan, "Ka pa khan Mizoram hi a lo va hmangaih em" tiin, "Khang hun zawng zawngah khan kan family a number one lem lo. Mizoram tan a nih chuan keini kha chu min sacrifice a hreh lo. Harsatna tam tak kan paltlang a, thuawih takin kan zui thin. Mizoram a hmangaihnaah a tum a thlen dawn chuan a nupui fanaute a number one lo." a ti.
 
"A dam rei lo lutuk leh Mizoram, a hmuh tum ang leh a indin chhuahna a hmu hman lo erawhin rilru a tina. Pathianin MNF party hi Mizoram dinchhuah nan a din a ni a, chumi kawnga kal zel chu kan tihtur niin ka hria," a ti bawk.

Latest News & Chhiar Hlawh