June 30, 2023; Vawiin 30/6/2023 khan Lalpa Chhiahhlawh Intelkhawm te chuan Zarkawt Community Hall ah khawvel khawi ramah mah la awm ngailo Pathian Lal Ram Sawrkar tana Inkhawmpui an hmang.

He Inkhawmpuiah hian Pathian Lal Ram Sawrkar Hmathlir 10 (Top 10 Priorities) lehkhabu Upa Zosangliana Zahau in a tlangzarh. Pathian Lal Ram Sawrkar Hmathlir 10 :-

(1) Rorelna Siamṭhat (Administrative Reform) (2) Hnam nihna nemngheh (National Identity Recognition) (3) Rilru Siamṭhat ( Moral Reform) (4) Eibar Zawnna Siamṭhat (Economic Reform), (5) Hriselna Siamṭhat (Health Reform), (6) Vantlang nun Siamṭhat (Social Reform), (7) Kristianna Siamṭhat (Christianity Reform), (8) Zirna Siamṭhat (Education Reform), (9) Kawng Siamṭhat (Road Reform), Khua Tihhmasawn (Urban & Rural Development) sawifiahna Rev. Dr. Zaichhawna Hlawndo in a nei a. Mipui lam aṭangin zawhna leh chhanna hun hman a ni.

He inkhawmpui pawimawh tak hmang tur hian Mizoram hmun hrang hrang aṭangin mi ṭhahnem tak an kalkhawm. Chawhnu lamah kum 2023 Mizoram Assembly Inthlanpui a Lalpa Chhiahhlawh Intelkhawm zinga tel tur mi pali - (1) Pu Phirṭhianga - Siaha (2) Pu K. Laldingliana- Aizawl West 2, (3) Pu Zonunsanga - Tuivawl Bial leh (4) Pu Biakchhunga Chinzah - Lawngtlai East bialte an puang a. Testimony sawina leh ṭawngṭaisakna hun te an hmang.