Aizawl May 22, 2024 : Kum 2023 June thla aṭanga hnathawk tura inbun tan tawh, SLT Infracon Pvt.Ltd. ten W. Phaileng to Marpara kawng siam hna an thawh mek chu, Dampa Bialtu MLA Lalrintluanga Sailo chuan an hnathawh chin leh hmabak te, an mamawh zel tur enpui in a tlawha, "Tun dinhmunah thawktu ten hna an thawk tha in an thawh chinah pawh sawisel tur a vang hle a ni," tiin Bialtu MLA hian thawktute a fak a ni.

Bialtu MLA Lalrintluanga Sailo chuan, "He kawng siam tur hian thla hnih khat leka hlawhtlinpui theih a ni lo a, kum 2019 kumtir atang tawh khan, khawi atangin nge akawng kan zawn ang tiin, theihtawp chhuah in kan bei a, chutianga harsa taka kan beih hnuah vawiin ni a ahlawhtlinna hmel kan hmu thei tur hi kan lawm tak zet a ni. Thawktu ten hna an thawk tha hle in ka hria a, chutih rualin helai kawng chhawrtu tur zawng zawng pawh in hna tha a awm zel theihna turin thawktute i tawiawm thin ang u. Tin, Kawngpui tha hi awlsam taka neih mai mai theih a ni lo tih hria i la, thiltha kan neih reng theihna turin mitin te kan pawimawh theuh a ni tih i hre bawk ang u." a ti.

Rintluanga Sailo, Dampa bialtu MLA hian Pukzing to Silsuri kawng siam tur leh, Hruiduk leh Silsuri a Hmunphiah Godown siam tur te a hmunah tlawhin a en nghal bawk.