August 19, 2023; Lawngtlai District Jail atanga tlanchhuak, Joseph Zomuanpuia (21) S/o B.Lalawmpuia, Khawmawi, Lunglei District chu nizan khan man a ni.

Pawngsual thubuai vanga District Jail, Lawngtlai a tang, Joseph Zomuanpuia hi District Jail, Lawngtlai atangin tunkar Ningani August 17, 2023 zinglam dar 6 atanga dar 7 inkar khan a tlanchhuak a, tang tlanchhuak a awm tih hriat a ni veleh zawn nghal niin, nizan dar 11 khan Joseph Zomuanpuia hi an khua Khawmawi, Lunglei District ah man niin, tukin zinglam dar 2 vel khan Lawngtlai Police Station thlenpui a ni.

Lawngtlai Police atanga thudawn danin, tang tlanchhuak Joseph Zomuanpuia hi vawiin ah buaipui ngaite buaipui zawh a nih hnu ah District Jail, Lawngtlai ah dahluh leh a ni ang.

District Jail Lawngtlai atanga Jail tang a tlanchhuah vang hian Jail thuneitute chuan thil awmdan nguntakin an chhuizui tih an lo sawi thawh a, Jail venhimna leh inenkawlna pawh ennawn chhoh mek a ni