Aizawl November 25, 2022 : Zirtawpni Mizo Hnam Run ah chhung inkhawma thusawitu, Environment Forest & Climate Change Minister TJ Lalnuntluanga, MNF Adviser ni bawk chuan leader tha hnuaiah lo chuan dinhmun a sawh nghet theih lo a ti a, an tluchhe leh thin, a ti. 

TJ Lalnuntluanga chuan, "Ram siam tha tur chuan Leader tha a ngai a, Leader tha hnuaiah lo chuan dinhmun a sawh ngheh theih loh a, leader tha nei lo chu a tawp ah an tluchhe leh nge nge thin a ni, chuvangin MNF party pawh hi Leader tha hnuaia ah kan kal a, kan ram pawn nasa tak in hma a sawn zel a, ram hi Lalpa ta a nih angin Pathianin min hruai zel a, kan hmalakna te mal min sawm a, chak takin kan thlen chinah kan hmalaknate pawh kan ti hlawhtling zel dawn a ni," a ti.

MNF Adviser chuan, "Social Media khawvelah kan cheng a, mitin mai hian Internet kan khawih a, Party thenkhat ten kan hmalak tawhna mipui hriat turin thu dik leh dik lo pawh  hre lo in an ral rin thu a chhe lam pang hawi zawngin an duh lai lai an thehdarh kual a, mipui te pawn thudik a ni em tih hi kan hriatfiah a kan finfiah hmasak a tul. Chanchinbu mite pawn kan ram siamṭhatna tur anih chuan mipuite hriat turin hmalakna tha te kan hrilh hriat hi a pawimawh a ni," a ti.

Ram hi Lalpa ta a ni a, Pathian tel lo chuan engmah hian hmasawnna tak tak a awm lo a, Pathian rinchhan chungin Pathian leh kan ram tan tih thuthlung vuantute kan nih angin Pathian in min hruai zel a, a lama rilru dik tak kan put chuan Pathian leh mipui zarah kan sawrkar leh ngei dawn a ni, a ti bawk.