September 11, 2023; Vawiin khan NHIDCL hnuaia Keitum khaw chhunga kawng siam mek leiminin hnathawktu pakhat a a delh hlum.

Vawiin chhun dar 12:30 vel khan, NHIDCL hnuaia contractor kawng siam mek, Keitum khaw chhung Sub centre bula culvert kawng ko lei minin hnathawktu Tripura lam mi kum 19 a upa John Reang a delh hlum a.

Hemi rual a a delh ve tho hnathawktu pakhat chu a kawng chin leivungin chimin mi tlawmngai ten lai chhuakin a nunna chhan hman niin Serchhip Damdawi in panpui a ni a, ngaihtuahawm lova hriat a ni.

Vanduaina tawk John Reang ruang hi Keitum NREGA hall ah dahin Serchhip police ten thil tul hrang hrang an buaipui hnu ah, an khuaa lak tur a buatsaih a ni ang