Aizawl February 27, 2024 : Mizo film industry-in hma a sawn zel a, a luhchilhtute pawh an hraw sawt hle - zaithiam Kimkima leh Jenny Jathang te pawhin an luhchilh ve leh ta. Zaithiam kan neih that zinga mi - Vanlalhmangaiha, Thawhlehnaniropuia, Francis Lallawmkima leh midang eng emaw zatin an lo luhchilh tawh bawk a ni. 

Zu Zuar Fanu

Tun hnaiah Mizo film chhuak thar a awm nual a, ngaihhlut pawh a hlawh thin hle. A changtute zingah pawh hlawh tha tak pek an awm nual tawh a, hei hian film industry hmasawnna a tarlang.

Kimkima leh Jenny Jathang te pawhin a entua tan reng an tum hauh lo a, ennawm chhawpchhuah tumin film an chang ve mek. An channa film hi 'Zu Zuar Fanu' tih a ni a, Muantea Khingte ziah a ni. Muantea hian script eng emaw zat a lo ziak tawh a, a kut chhuak ten belhchian a dawl thin hle.

Zu Zuar Fanu hi F. Lalrindika'n a direct a, a changtu tur zingah mi thar hmuh tur an awm nual dawn bawk.

Shooting

Shooting hi an tan chho mek a, Champhai District-a Bulfekzawl khuaah an nei mek a ni. Jenny Jathang chuan, "Film industry-a hnu hma la nei lo ve ve kan ni dawn a, mi pawn an ngaihven ve viau kan beisei," tiin ZALEN palai a hrilh. Jenny leh Kimkima te hian lead role an play dawn a nih hmel a, en a chawk tawh hle - tihchhuah hun tur erawh tihchhian a la ni lo thung. Lo ngaichang zel phawt ang.