August 31, 2022; Naktuk, September ni 1 atangin Mizoram sawrkar chuan Motor Vehicles (Amendment) Act, 2019 a hmang tan dawn a, hemi vang hian tunlaiin motor document leh driving licence fello buaipui an tam thin hle. Traffic police lam chuan 'No tolerance' ang em em in an kalpui dawn lo tih an sawi a, chutihrualin, MV Act hman tur chuan mi nawlpuite nihna a tarlang ah a ngaih theih niin an sawi.

He dan hman a nih dawn vang hian tunlaiin licence leh document fello buaipui an tam a, a bikin Chaltlang a transport office te, Hlimen a driving licence buaipuina hmun te leh motor khu endikna hmun hrang hrangte a lun thin hle a, hmun thenkhatah phei chuan lirthei che vel tibuai khawpin document leh licence fello buaipui a pungkhawm an tam a, motor khu endik tir an pun nasat avangin Mizoram Pollution Control Board chuan ruahmanna thar an siam hial bawk.

Traffic police hotute chuan, engtiklai pawhin anni lam chu an strict reng tih an sawi a, chutihrual chuan loh theih loh te tih loh chu an man ngai loh thu an sawi a, chu chu naktuk atanga MV Act hman turah pawh an kalphung tur a la nih thu an sawi. "Kan strict thut dawn pawh a ni lo a, kan man chhun te erawh an pawisa chawi a sang deuh tawh ang," an ti.

Traffic police hotute sawi danin, Aizawl ah lirthei dan bawhchhia mi 20 atanga 30 bawr vel ni khat ah man an nei tlangpui tih an sawi.