ZALEN, Feb. 15, 2025: A hun hmasaa a aia Mizo mipui lawm an awm bik chuang lo vang tih tur, Lilzo chu a lo kir leh ta!

March 22, 2025 hian Aizawla Vanapa Hall-ah ‘Duati’ tih larpuitu hi a concert dawn a, a hun hnihna a nih ang ngeiin a concert hmingah pawh ‘Lilzo Second Wave Comeback Concert’ tih a ni dawn.

Social media-a lar tak, Tesesa Pachuau kaihruai tur Lilzo comeback concert-ah hian Marry Dawngi, Zothana, Ngura leh tunlai thalaite lawm dang pahnih an zai tel dawn a. Anni hian anmahni hla theuh an sak dawn bakah Lilzo hi hla pakhat theuh an sakpui bawk ang.

Lilzo hi kum 2016 vel khan lar tanin ‘Duati’ bakah hian hla hit tak tak - A tawk tawk, Ka sawm che, Ka Natna I Chhawk leh a dang tam tak a nei a, a hunlai a Mizo zaithiam zinga sawm hlawh ber a ni.

A lar hmasak vanglai, kum 2016 khan a comeback concert neihna tur hmun thovah hian concert hlawhtling tak lo nei tawhin hemi tum hian Rs. Nuai 1.9 chuang a hlawh chhuak hial niin a huaihawttute chuan an sawi a. Hemi chungchang hi ZALEN chuan finfiahna a nei lo.

Comeback concert tur ticket hi lei theih tura chhawpchhuah thuai beisei a n