August 24, 2023; Mizoramah a ni telin lirthei a pun belh zel a, tun dinhmunah lirthei registration in bungthar kai tawhin, A-Z a tawp hnuin, Aizawl district bikah MZ 01 - AA hman chhoh a ni tawh.

Transport department chhinchhiah danin, Mizoramah May 31, 2023 thleng khan lirthei 2,91,883 ziah luh a ni tawh a, chung zinga lirthei 2,02,630 te chu Aizawl district chhung a awm an ni a, tunah chuan sang chuangin a pun belh leh tawh tura ngaih a ni. Mizoramah driving license nei mi 4,83,312 an awm mek bawk.

Lirthei punchak chhan hi khawvel changkanna in a ken tel ni mek mah se, mi tam tak chuan lirthei intlanchhawk vang niah an ngai a, chhungkaw tinah pakhat tlan loh ni aia hman tur lirthei lei chuan a tipung hle ah an ngai a ni.

Kum 1973 atangin Mizoram pualin lirthei registration hi pek a ni a, hemi hmalamah chuan ASO tih vek a ni. Heta registration hmasa ber chu ZRM tih a ni. ZRM registration hi Aizawl tan bik ZRM : 001-4999 pek a ni. Lunglei tan bik registration ZRM 5000- 6999 pek a lo ni tawh.