April 6, 2024; Tv. Lalrinchhana (37) chu Car Accident vangin a boral.

Rinchhana hi Kawrthah khua (Darchhûng Motor Workshop neitu) H.Lalnunsanga fapa niin Rengdil khuaah Motor chhe siam tur a awm avangin, nimin (5/4/24) khan an kova, chawhnu dar 1 velah Kawrthah aṭanga chhuakin an mahni Car khalhin, Lalthanpuia (a nu nau fapa) nen Rengdil an pan a, Ramrikawn/Perngo kawn ah kawngṭha leh ngil lai takah an tlan laiin an hmaah Sanghar kawngpui kâna a lo tlan chu chil a hlauh vangin a hel a, a helna lamah Ssde drain ah tla lutin a motor ke pawh a chhe nghal a, an chetsual phah ta a ni.

An chetsual hnu hian a hmu hmasatuten bawihsawmin Kawrthah Hospital panpui nghal a ni a, tlai lam dar 3:30 ah a boral zui a ni.

Tv.Rinchhana thih chhan hi a awm ruh tliak leh a lu a sawh vang ni bera hriat a ni. A kalpui Tv. Lalthanpuia hi a dar veilam nghâwng ruh a sawh na deuh a, a banrek leh kutphah ruh pelhin pem neuh neuh a nei a, ngaihtuahawm lutuk a ni lo nia thu dawn a ni.

Rinchhana hi mi ze zawi leh pawisawi lo tak, inhmuh nikhuaa bengvar taka mi biangbiak peih leh a be hmasatu a ṭang zat thei zel mi a ni.

Hetianga Ramsa tihhlum duh loh vanga thihna hial a tawk ta hi Kawrthah khawtlang chuan pawi an tiin an ui hle a ni.