Lok Sabha Speaker Om Birla kaihhruaiin Inrinni khan July 18 atanga tan tur parliament fur thutkhawm atan all political party meet neih a ni. Birla hian session neih tur atana inbuatsaihna hrang hrang te a sawi.

Congress MP Adhir Ranjan Chowdhury, DMK MP TR Balu, Union Minister leh BJP MP Pralhad Joshi, BJP MP Arjun Ram Meghwal, YSRCP MP PV Mithunreddy, RLJP MP Pashupati Kumar Paras leh party danga MP te an tel a ni.

An thutkhawm zawhah Birla chuan party hrang hrang hruaitute nen hian tuna ram chhunga thil lian tham hrang hrangte sawihovin ram tana tha tur zawnga rorelna kalpui dan turte an sawiho niin a sawi.

Parliament fur thutkhawm turah hian Congress party chuan sipai lak dan thar, Agnipath te, hna nei lo tam lutukte chu nasa taka au chhuahpui an tum tih an sawi.