Aizawl August 11, 2024 : March 11, 2019-a Mizoram larsapin chairman a lak luh hnua a taka hna thawk tan, Mizoram Lokayukta chuan vawiin thlengin eiruk thubuai chhui tur 64 a dawng tawh a, kuminah thubuai chhui tur 11 a dawng tawh.

Lokayukta tar lan danin vawiin thlenga thubuai chhui tur a dawn tawh 64 zinga 23 chu titawpin regular investigation 21 neih mek a ni.

Thubuai 41-ah chhui chianna hmasa/preliminary enquiry (PE) neih tawh a ni a, PE report 41 dawng tawhin la tihfel loh (pending) 11 a awm a, thubuai panga chu PE neih hmaa chin fel a ni.

Kumin chhungin Mizoram Lokayukta-ah thubuai 11 a dawng tawh a, chungte chu - Champhai Branch of Mizoram Rural Bank, amount involved Rs. 21.61 Crore (CBI in an chhui mek) te ; Fraud in Zofa Consultancy Service ; Embezzlement of contract works under Aizawl Smart City Limited (UD & PA) ; Unjust action of LADC Elementary Education Department (M/S) in the recruitment of Middle School Hindi Teacher during 9th – 10th June, 2022 ; Misappropriation of fund for compensation under Nation Highway 54 Seling.

Unfair Practice of Land Acquisition and Compensation at Khawkawn Village ; Unfair Distrubution of Compensation Money at Keifang Town under NHIDCL ; Unfair Distribution of Compensation Money ; Unfair Practice of Acquisition of Land and Misappropriation of Compensation Money under NH-06 (NHIDCL) ; Financial Irregularity in the distribution of Compensation Money under NH-06 (NHIDCL) leh Financial Irregularity in the distribution of Compensation Money & Misuse of Official Position in Land Acquisition te an ni.

Hetihlai hian Mizoram Lokayukta hian thubuai chhuitu tur, investigation wing hran a la nei lo a, prosecution wing-ah erawh thawktu an nei tawh thung.