ZALEN, 31st May: Vawiin khan Horticulture Minister Prof. Lalnilawma kaihhruainain Horticulture Department officer zawng zawngte'n Aijal Club Conference Hall-ah 'Review Meeting of Officers under Horticulture Department' an nei a, loneitute dinhmun chawikan nan Inter district inelna neih Minister chuan a rawt.

Horticulture Minister Prof. Lalnilawma chuan , department dangte nena convergence-a tangkawpa hmalak a ṭhat thu te, district hrang hrangte inelna thianghlim neia small farmers-te dinhmun chawikannaah inelna nei tura rawtna siamin, thlen chin aṭanga hmasawn turin leh step khat tala hmasawn turin theihtawp chhuah turin a fuih bawk a ni.

Vawiin Review meeting hi Horticulture Department hnuaia hnathawh tawhte thlirletna leh hmachhawpte hlawhtling leh chak zawka hmalak dan tur te sawiho a ni a. DHO zawng zawngten an district chhunga hmalakna hrang hrangte powerpoint presentation hmanga an tarlante Minister hovin tha zawk leh chhawrhnaawm zawka thawh a nih theih dan tur sawiho nghal zel a ni.