February 10, 2023; Supply minister in Assembly Session neih meka a tarlan danin, tun dinhmunah Mizoramin nitin LPG truck trip 23 a dawng mek a. "Buhfai stock pawh kan ngah tawk," a ti.

Member te zawhna leh zawhbelhna te chhangin Supply minister K. Lalrinliana chuan, kum 2019 khan chief minister Zoramthanga remtihna angin, sawrkar laipui a petroleum minister a dawr tih sawiin, an harsatna te an thlen tih a sawi. 

Tun hma lamin nitin LPG truck trip 15 (trip khat ah gas bur 310 vel a awm) Mizoramin a dawng thin tih tarlang bawkin, "Chawhrualin trip 20 a nih chuan kan kham ang kan tih laiin, nitin trip 23 in dawng ziah tawh ang tih min tiam a, chu chu tun thleng a ka dawn dan a la ni," a ti bawk.

Supply minister tarlan danin, tun dinhmunah chuan Mizoramah buhfai stock a tam tawk a, Mizoram pumah buhfai stock qtls. 170117.08 a awm mek.