National Investigation Agency (NIA) chuan Zirtawpni khan Liberation Tigers of Tamil Eelam (LTTE) din thar leh tuma bei mek manin a kut atangin pawisa tam tham tak, rangkachak leh silai an man tel tih an puang.

Dan lova India leh Sri Lanka inkara ralthuama sumdawnna leh dik lo taka sum chhekna hi an hai chhuak a ni.

Anti-terror agency hian Ningani khan Chennai-a mi chenna leh sumdawnna hmun hrang hrang pariat an dapna atangin an man a ni.

Pawisa, rangkachak tlang (gold bar) bakah hian digital devices (mobile phone, memory card), ruihhlo leh lehkha pawimawh dangte pawh an man tel.

Agency chuan mi pakhat, Ayyappan Nandhu an man tel a. Ani hi Tamil Nadu-a LTTE kaihhnawih thubuaia mi 14 an manna a ni tawh.

NIA chuan Nandhu-a hi Sri Lankan raltlan, Muhammed Asmin-a hnuaia ruihhlo tawlhna kalpui tur a ni tih an sawi a. Asmin-a hi ralthuam leh ruihhlo tawlh hmanga LTTE din thar leh tum zinga mi a ni.

NIA hian July, 2022-a thubuai an ziah luh an chhui zuinaah December khan Tamil Nadu-a hmun 21 an dapnaah mi dang 13 an lo man tawh a. An dap hmasakah hian Special Detention Camp, Trichy-a rinhlelh awmna hmun hrang hrang an dap a ni.