Aizawl : Divisional Bench (DB), Gauhati High Court, Aizawl Bench chuan chhim lam district pa li (4) te tana RT-PCR Lunglei Civil Hospital a dah chungchanga RT-PCR Lab for Chhim bial te PIL No.1/2021 thu tlukna chu vawiin khan a puang a. High Court hian sawrkar chu a din tur committee rang taka din tura tiin, Chhimbial in RT-PCR an mamawh lo nia an sawi chu a pawm lo.

Tun hnaia nau nei tur thihna ZMC panna kawnga a thlen avangin hmun dangah pawh covid-19 kai te enkawlna siam turin a ti bawk a ni.

He case hi court ni 27, 28 July khan final hearing neih a ni a. Sawrkar tan hian Diganta Das, Advocate General leh AD Choudhury Addl Advocate General te Guwahati atanga lo kalin an ding a. RT-PCR Lab for chhimbial tan JC Lalnunsanga, Delhi atangin a ding thung. He case hi Video Conferencing hmanga neih thin a ni.