Aizawl: Kum 2018 - 2019 chhung in Lunglei District ah naupang kum 1 hnuailam thi 39 an awm a, infant mortality rate (IMR) hi 17/1000 a ni.

Zirtawpni khan Addl. DC David Liansanglura Pachuau kaihhruainain a office-ah Lunglei District chhunga naupang kum 1 hnuailam thi chungchang thlirletna hun hman a ni a. He thlirletna hunah hian mi dangte tana malsawmna ni thei turin naupang thi 4 nu leh a enkawltu doctor ten an damloh nachhan leh engvanga thi nge an nih sawiin, nikum aia tha zawk leh naupang thi an tlem theih nan tan lak a ngaih thu tarlan a ni.

Naupang thite hi engvanga thi nge an nih tih hriat chian hnua engtia hmalak tur nge tih hriat theih a rinawm thu tarlan a ni bawk. Nu nau paite chu doctor rawn peih tur leh sawrkar programme te mipuiin hmang tangkai turin meeting chuan a ngen a ni. Kan lo hrisel zawk nan Health Department chauh ni lovin Line Department leh NGO te nen a thawhhona tha tak neih a pawimawh thu sawi lan a ni bawk.