Aizawl July 29, 2024 : Lunglei High Powered Committee Vice Chairman V. Malsawmtluanga, MLA chu a lirthei khalh chetsualna-a a mi phurh a thih avanga an khinnaah thiam a chang a, chutihrualin a motor insurance a neih loh avangin pawisa chawitir a ni.

Hun eng emaw chen thubuai hi ngaihtuah a nih hnuah vawiin khan Laltlansangi Fanai, Judicial Magistrate First Class chuan he thubuai hi ti tawpin, 279/304A/337 IPC-a an charge na ah a thiam lohna a hmu lo a, mahse an accident na motor kha insurance a tih loh avangin 196 MV Act ah a convict a, Rs 2000/- a chawi tir.

V. Malsawmtluanga hian 7. 8. 2016 khan a motor Chevrolet Beat car-ah mi pali phurin a chesual a, he chetsualna avang hian a mi phurh zingami Lalrinawma Lianhna chuan nunna a chan a. MVI leh police lamin inquiry an ti a, lirthei hi a khalh chak bakah a fimkhur tawk lo tih chu an puhna a ni.