ZALEN July 23, 2024; Lungzarhtum a 'Sele' thlah kal zelte chu tha taka humhalh an ni a, a neitute bakah khawtlang pawhin an roh hle.

Lawngtlai district chhunga awm, Lungzarhtum khua atanga ZALEN thudawn danin, an khua a Sele rawn tla chhuak, kum 2019 a thi ta chuan thlah 4/5 vel a nei hman a, chungte chu tun dinhmunah lian tak tak vek an ni tawh.

Heng Sele te hi bawng rual zingah an tla ve mai thin a, a neituten tih ral/hralh an phallo a, tha taka an humhalh bakah, Lungzarhtum khawtlang pawhin roh takin an enkawl bawk.

Heng Sele te thlahtu hi kum 2017 March thla atang khan bawng rual zingah inlar in a khawsa tan a, roh taka humhalh leh enkawl a nih laiin, ni 1.3.2019 khan Lungzarhtum khaw bulah thia hmuh a ni. A sa chan a nih avangin silaia kah ni ngei a ngaih a ni a, hemi vang hian Lungzarhtum khawtlang chuan Bualpui (NG) police outpost ah thubuai an thehlut a ni.

Thlalak : Kum 2019 a thi ta Lungzarhtum Sele