Aizawl July 4, 2022 : BJP National Executive Meeting July 2& 3, 2022-a Hydrabad a neiha tel BJP Mizoram State BJP President Vanlalhmuaka'n MADC Election report a pek chuan BJP National President leh PM ten an ngaihven hle niin BJP Mizoram thuchhuah chuan a tarlang.

Mara Autonomous District Council Election 5th May, 2022 a neih zawh tak report pe tura tih a nih angin Hmuaka hian report a pe a, MNF leh Congress an thawh dun mai bakah MNF leh Congress ten BJP an beihrawn dan leh sorkar-na an siam dan te report a pek chuan sawi zui a hlawh hle, niin BJP thuchhuak chuan a tarlang. Vanlalhmuaka report a pekah BJP National President JP Nadda chuan MADC Election a Hmuaka leh a hote chet dan chu lawmawm a tih thu leh, Party mala BJP in seat an la hnem ber thei chu fakin kum 2023 MLA ah chuan Mizoram ah BJP sorkar tir ngei tura hmalak a nih tur thu JP Nadda, BJP National President chuan a sawi a ni, an ti.

Telengana khawpui Hyderabad hmuna BJP National Executive Meeting ni hnih awh a neih a a telnaah, Vanlalhmuaka chuan PM Schemes/ National Schemes hrang hrang Mizoram state sorkarin an kalpui dan report pe in, state rulling party in party hamthatna atana an hman thin thu leh a nih tur anga kalpui a nih loh dan te a sawi. Mizoram chhunga Ministry of Road Transport hnuaia NHIDCL hnathawh dan te, Railway hnathawh dan te leh PMGSY kalpui dan te pawh report a pe a ni. National Executive Meeting a Hmuaka report pek hian BJP National President beng a verh hle a, ngaihthah chi a nih loh thu Central BJP hruaitute hian an sawi, niin BJP thuchhuak chuan a tarlang bawk.