November 25, 2022; Mara Autonomous District Council (MADC) a MNF leh INC thawhdunna sawrkar rintawk lohna 'No Confidence Motion' a luh hnuah secret ballot hmangin vote thlak a ni a, thla 6 vel bawr a upa MADC a MNF leh INC thawkdun sawrkar chu paihthlak a ni.

ZALEN thudawn danin, vawiin khan MADC session neih niin, MNF leh INC sawrkar rintawk lohna 'No Confidence Motion' lut chu secret ballot hmanga vote thlak niin, buk a ni a, sawrkar rintawk lohna lamah vote 15 tlain, sawrkar ringtawk lamah vote 9 a tla.

Kumin May thla a 12th MADC inthlanpui neihah BJP chu seat la tam ber niin, 12 an la a, MNF in seat 9 leh INC in seat 4 an la a, sawrkarna siam tura seat lak tlin ngai zat 13 la tling an awm loh avangin, MNF leh INC thawhdunna sawrkar intawm a piang a, thla 6 vel an kal hnuah MADC ah sawrkar thar a pian a ngai leh dawn a, rin danah chuann BJP kaihhruai sawrkar thar a piang tura ngaih a ni.