Aizawl April 14, 2022: Mara Autonomous District Council 12th General Election chu May 5, 2022 khian neih a ni dawn a, He inthlan turah hian Candidate turte party pali te chuan an candidate tur an puang fel. MDC seat 25 ah MNF leh BJP chuan an chuhkim dawn a, Congress party in seat 23 chuhin, ZPM Party chuan seat 8 an chuh dawn a ni.

Mara Autonomous District Council 12th General Election neih tura ah hian State sorkar a rorellai MNF chuan ni April 12 khan Siaha MNF party pisa Mizo Hnam Run-ah MNF Vice President Vanlalzawma chuan an candidate turte puan na neiin MDC bial 25 awm ah an chuh vek tur thu a puang a ni.

BJP Mizoram chuan vawiin khan BJP State Office Atal Bhawan, Upper Republic-ah BJP Mizoram President Vanlalhmuaka chuan an candidate turte puanna hun a hmang a, seat 25 chu an chuh kim vek dawn bawk a ni. 

Congress party chuan vawiin chawhnu khan MADC inthlan tura an party candidate turte tarlang in seat 25 awm ah seat 23 an chuh dawn a, an party candidate tur te tarlanna lehkha ah hian Mara District Congress Committee President S Hiato chuan a hming a ziah hnan a ni. 

ZPM party chuan vawiin khan Siaha Tourist Lodge Conference Hall ah an party Working President K Sapdanga'n ZPM MDC candidate turte puanna neiin, bial 8 ah ZPM hian candidate an siam dawn a, Mara Autonomous District Council inthlan an vawikhat chuhna a ni dawn a ni.