ZALEN Nov. 7. 2024; Deepfake' - Al generated hmangin Mafeli thlalak leh video siam danglam a ni, case siam tur a nawrtu a tawng nasa, Pathian rawn chungin thutlukna a siam...

Hetiang hian a social media page-ah a tarlang.

"Zofate kan changkang zel a, hmasawnna kawng kan zawh mek laiin, fimkhurna tur kan nei chho zel bawk. Social media platform hmang thiam tawklo kan tam hle mai a. Kan thlalak, video leh comment post dan atangin inhriattirna tha zawk kan mamawh tih a lang hle in ka hria. Tun hnaiah, 'Deepfake' - Al generated hmanga ka thlalak leh video an lo siam chungchangah mi tam tak an lungawilo a, case siam tur ten min rawn nawr nasa hle a. Amaherawchu a lem 'fake' a ni tih mipui tam zawkin in hria tih ka hriat avangin Pathian rawn chungin, case siam em chu rilru ah a awm rih lo. Chutih rual chuan, kan fimkhur zel nan, dân kan hriat chian a ngai a. Information Technology Laws Section 66E, IT Act of 2000 hnuaiah chuan heng 'deepfake' siam leh thehdarh hi 'right to privacy' khawih pawi a nih avangin, kum thum chhung lung in tân theihna emaw nuai 2 thleng chawi theihna a ni. A siam tu mai bakah, a post chhawngtu i nih pawhin, case i awrh thei a, report theihna thuneihna (power) sang tak mimalin kan nei tih hi chhinchhiah atan a tha awm e. Tin, tunlai Pathian zarah hna thilah Icon contestant te nen programme hman họ chẳng a tam a, kan inkarah boruak sawi belh tur a awm lo e; ka mimal nun leh hna (personal & private life) hi ka dah hrang tlat a ni. Pathian râwn chung zelin social media i hmang tangkai zel ang u." - Mafeli Hlondo