Aizawl May 16, 2024 : Mahindra & Mahindra Financial Service Ltd (MMFSL) Circle Head Ankit Bagree-a'n Aizawl Police Station FIR a thehluh bawhzuia Mizoram Police Special Investigation Team (SIT) ten hma an lakna kal zelah cheng vaibelchhe 150 chuang inbumna chhuina kal zelah nimin khan Aizawl-a Lirthei dealer pathum man an ni.

MMFSL Area Manager Jakir Hussain leh a thawhpui mi 10 te chu April 25, 2023 khan man an ni tawh a, nimin piah khan mi pakhat man niin nimin khan mi pathum dang an man belh leh tih DIG (CID) Lalhuliana Fanai hnen atanga ZALEN thu dawn danin, An man belh te hi Rafael Nissan dealer George S. Thoite, Salem Veng ; Aidu Motors (Renault) dealer Madhurjya Sharmah, Salem Veng leh National Business Enterprise (TATA) dealer Paul Zothanpuia John, Khatla te chu an man a, anni hi Police custody-ah an la awm a ni.