Brazilian putar kum 75 mi chuan danglam angreng takin Guinness World Record a siam leh a, FIFA World Cup tournament-a mi mala inlan tam ber a ni.

Taubaté, São Paulo-a cheng, Daniel Sbruzzi-a hian kum 1978-a Argentina-in World Cup an thlen tum khan a vawi khat nan a hmunah a en a, kumina Qatar-in an thlen leh mek pawh en lehin vawi 11 zet a hmunah a en ta a ni.

Sbruzzi chuan Word Cup a en hian a nunah nghawng tam tak a nei a, inkhel bakah ram hrang hrang nun dan a hriat phah tih Guinness World Records hnenah a sawi.

A enna hmun apiangah hian amah pawhin an hnam tihdan tihlang zelin, a carnival block, ‘Bloco Vai Quem Quer’ tia a sawi chu langsar takin a tilang thin tih a sawi.

“Bloco Vai Quem Quer hi khawlaia kawng zawha hmeichhia anga mipa an incheina a ni a. Kan khawpuia kan tih dan hi ram tina ken zel ka duh,” a ti.

Sbruzzi chuan a record siam sa chu chhunzawma Canada, Mexico leh United States ten an inthlen tawm tur, 2026 World Cup pawh en leh ngei a tum.