Madhya Pradesh-a Ratlam district-ah mi pakhat chu bawng hmaa a zung nia a puh a sawisak avangin man a ni.

An mi man hian mi a sawisa leh a tinawmnah lai chu video-ah lain a darh leh si a, man a ni ta tih police chuan Inrinni khan an sawi.

Manak Chowk police chuan Virendra Rathod-a hi Zirtawpni zan khan IPC section 323, 294leh 506 tlawhchhanin an man tih an sawi.

Rathod-a’n mi a sawisa lai video-a a mi sawisak hi Saifuddin Patliwala-a a ni a. Bawng hmaah a zung lai chu social media-a a darh hnuah sawisak a ni ta a ni.

Manik Chowk police station in-charge Sachin Dabar chuan video darh vak an lo hmuh hian police-in sawisak tuartu hi an chhui chhuak a, ani hian complaint thehlut zuiin a sawisatu pawh an man ta a ni tih a sawi.

Video darhah hian sawisak tuartu hian bawng hmaa a lo zun avangin ngaihdam a sil nasa hle a; mahse, a sawisatu hian a beng a, engah mah a ngaihsak lo va. A sawisak lai pawh hian ngaihdam a dil mawlh mawlh tho a ni.

Bawng hi Hindu chuan an pathian anga an ngaih a nih avangin an zah hle a, sawisak leh tihnawmnah hi an phal lo.