United States-ah chuan Aug. 24 kha kum khat chhunga dam lohna avanga hna atanga chawl an tam ber a ni.

An chawlh chhan zingah hian khawsik leh hritlang, thlasik intan tur vanga boruak inthlaka an tawn a ni tlangpui tih zirchiannaah hmuh chhuah a ni.

Management software provider pakhat, Flamingo-in an zirchiannaa a lan dan chuan America-a dam loh nasat ber ni dawttu chu Feb. 13 a ni a. Kum 2022-ah khan Feb. 13 hi Super Bowl LVII khelh tuk Thawhtanni a ni nghe nghe tih an blog-a an tar lang.

February thla hi kum khat chhunga ram puma thawktute dam lohna avanga sumdawnnain a tawrh ber thla a ni bawk a, hna thawk 10% vel dam lo awm ang a ni.

Dam lo an tam ber ni pathumna chu Valentine’s Day (Feb 14) a ni bawk.

“Ni khata dam lo an tam ber ni bakah hian February hi kum nga kal ta chhunga dam lo an tam ber thla a ni a, April leh December ten an dawt,” an ti a. Heng thlaa dam lo tam tak hi pum nuam lo an ni tih an sawi bawk.

Kum 2022 chhung khan American zinga hna thawk hmun lia thena hmun khat chuan dam loh vangin chawlh an la miah lo va. Hetih lai hian hna thawk maktaduai 135 zinga maktaduai 10 chuan kum khat chhungin ni 20 chuang dam loh chawlh an la thung.