United States-a Chicago television news crew chu inrawkna thleng report an pek mek laiin mi sual pathumin vur tawlhnaa hman chi hmai tuam chungin silai nen an rawk leh chhawng.

Spanish tawnga tihchhuah station, Univision Chicago chuan an reporter leh photographer hian Thawhtanni khan zing dar 5:00-ah Chicago-a West Town vengah chanchin thar tihlan tur la turin an kal a, mi sualte hian lo rawkin an television camera leh bungraw dang an laksak tih an sawi.

“Silai nen an rawk a. An laksak tam ber hi an mi mal thil a ni a, camera an la bawk,” tiin Univision Chicago-a vice president Luis Godinez chuan Chicago Tribune a hrilh.

Godinez-a chuan an news crew-te hian West Town-a inrawk thleng fo chu zing lam chanchin thara tihlan atan a hmunah an kal tih a sawi a. Thla an lakte chu camera an ruksakah a awm ta vek tih sawiin tihchhuah pawh an tichhuak ta lo.

Chicago police chuan rawk tawkte hi mipa ve ve, kum 28 leh 42 mi an ni a. Police chuan a rawktute hi sedan dark leh SUV duma kalin an thil an laksak hnuah an tlansan lehnghal tih an sawi.

He thilah hian tumah man an la nei lo bawk.