German khaw pakhata an kum tih dana Krismas Putar anga incheia kawng zawh an huaihawt thinah kuminah chuan mi 900 zet an inlan.

13th annual St. Nicholas Run hi Michendorf khuaa neih thin niin kuminah hian mi 900 chuang an inlan tih a huaihawttute chuan an sawi a, Germany-ah chuan inchei danglama kawng zawh huaihawta mi an pun khawm tam ber tum a ni.

A telte hi Krismas Putar inchei dan anga incheiin kawrchung sen leh lukhum tung sen an khum a, thenkhat chuan khabe hmul lem buk tak an insiam bawk a, khaw vawt tak hnuaiah kawng hi an zawh a ni.

Kawng zawhtute hian an taksa chak dan azirin chi thum duhthlan tur an nei a. A tawi ber hi mel 1.5-a thui niin mel 3 leh mel 6.5-a thui zawh tur an ruahman bawk.

A telte chu eng chi-ah pawh hian an zawh chhuah veleh uaiin leh chocolate chi khat, Santas an tih chu pek zel an ni bawk.