Cambodian sorkar chuan an rama hnimhnah awm, a mang mai hlauhawm, mipa serh ang tak, a lan dan a danglam em avanga hmeichhiain an lawm tak, ‘Penis Plant’ an tih chu thliak tawh lo turin an ngen.

‘Nepenthis holdenii’ hi tropical pitcher plant an tih huanga mi niin an ram khawthlang lama tlangramah an awm deuh ber a. Tual chhung mi leh khualzinten a lan dan avanga an lawm em avangin an thliak nasa hle niin New York Post chuan a tar lang.

Mipa serh ang tak a nih avang hian ‘penis plant’ tiin an sawi mai thin a ni.

Social media-ah hmeichhiaten thliaka thla an lakpuina a darh nual hnuah Cambodian sorkar chuan thuchhuah siamin fimkhur taka khawih ringawt turin a ngen a. A mang mai a hlauhawm tawh avangin thliah emaw, a kung phawi emaw ti tawh lo turin a ngen a ni.

Ministry of Environment & Natural Resources chuan, “An thiltih hi a dik lo va, nakin zelah chuan ti tawh lo turin kan ngen a! Ram leilung hausakna thil hi thliak tawh lo tur leh tichhe lo turin kan inngen a ni,” tiin an tar lang a ni.