Aizawl June 24, 2024 : Integrated Child Protection Service (ICPS) Mamit District hnuaia din, Jail Inspection Team te chuan vawiin khan Hmunhlui tlanga awm Mamit District Jail chu tlawhin naupang, kumtlinglo tang an awm leh awmloh an enfiah.

Thla thum dana endik thin tur a nih angin vawiin endikna hi Esther Zorini Hauhnar Principal Magistrate (Team Leader) in hovin District Jail-ah naupang kum tlinglo, tang an awm leh awmloh enfiah a ni a, kum tlinglo tang erawh awm lovin nute tan avanga jail-a awm naupang pathum an awm mek a ni.

Estheri chuan jail tangte harsatna hrang hrang a ngaihthlak sak a ni. Team member-ah, Tommy Hmingdailova, Zatluanga Sailo, P. Lalchunglura, Hmingsangzuali, Lalrinchhani, ZD Lalremruata te an tel a ni.

Mamit District Jail an tlawh lai hian Jail tang mipa 62 leh hmeichhia 9 an vaiin mi 71 an awm mek a ni.