Augist 21, 2023; Mamit naupang bo chu vawiin lamah uifing te nen zawn nimahse hmuh a la ni lo a, ni 3 chhung zawn a ni tawh.

Lalremruata (11) s/o Lalvulmawii H/s Veng Mamit, Ni 18.08.2023 (Zirtawpni) zinga in atanga a chhuak chu ni 3 zawn a nih hnuah pawh tun thlengin chin hriat ala nilo a, vawiin ni 21.8.2023 Thawhtanni hian a ni 3-na atan Sub Hqrs. YMA, Mamit kaihhruaina in zawn beihpui thlak leh a ni a, vawiin hian Lungsir Branch YMA leh Luangpawl Branch YMA Mamit ten Chhimveng Branch YMA te hi anpui bawk a ni.

Mamit khaw tlak lam Mausen Road lamah zawn leh niin vawiin lamah chuan chanchin lawmawm engmah hriat leh hmuh ala nilo a ni.

Mamit Police pawn theih tawp a chhuah a, Aizawl lama Uifing te chah thla in vawiin vek hian Mamit SP hovin khawchhunga an hmuhna hmun ansawi ah te Uifing nen zawn a ni a, naktuk lamah pawh Uifing nen hian zawn chhunzawm zel an tum a ni.

Naktuk hian a ni 4 nan YMA anga zawn chhunzawm leh zel tum a ni. Hemi chhungchangah hian hriat nei kan awm emaw hriatduh nei kan awm anih chuan a hnuaia number ah hian biak theih a ni. Ph : 8974190265 9862034124