August 23, 2023; August ni 18 atanga chin hriat loh a bo Lalremruata (11) s/o Lalvulmawii, High School Veng nia rin ruang chu chhawlchhin a hmuh niin, thawmhnaw inbel a nei lo.

Mamit atanga thu lakna in a tarlan danin, vawiin chhun dar 12 bawr vel khan Mamit Field thlang tlak lam rama Lianmawii Highschool veng ramah ruang chhar a ni a. Ruang hi a lo chhiat deuh tawh avangin amah ngei anih leh nih loh he thu ziahlai chawhnu dar 4 thleng hi chuan chian a la ni lo. 

Rinchhana (Lalremruata pute a) chuan a ha hmai atangin a tupa ngei niin a hria a, he thu buatsaih lai hian Aizawl atanga lokal forensic lam thiam te nghah mek niin lakchhuah a la ni lo.

Naupang dai vakin khup hmu in In lamah hlauvin an tlan haw a, chuta tang chuan zuk hmuh a ni ta a ni. Hmuh a nih hian thuamhnaw inbel a nei lova, a ruang hi chhawlchhin niin an chhinna hnim hi a lo khawro tan tawh a, a khup vei lam a lang thei a ni. 

Tarlan tawh angin, Lalremruata hi vohbik naupang, tawngthei lo niin, ri hriatna lamah pawh harsatna nei a ni.