August 23, 2023; Mamit naupang bo chu vawiin chhun dar 12 rik hma deuh khan thi a chhar a ni a, police ten thil awmdan an enfiah nghal.

Tarlan tawh angin, Lalremruata (11) S/o Lalvulmawii H/s Veng Mamit, 18.08.2023 (Zirtawpni) zinga in atanga a chhuak chu vawiin a ni 5 na ah Mamit atanga khawthlang lam, Mamit khawchhung, kawng hlui ah thi a chhar a ni a, Mamit police ten thil awmdan enfiah in a hmun an pan nghal a ni.

Lalremruata hi vohbik naupang niin, Sub Hqrs. YMA Mamit YMA hmalakna in Mamit khawpui chhung leh khawpui pawn lam thlengin ngawrh tak a zawn hna thawh a ni a, a zawnna ah hian Aizawl atanga lak uifing te pawh hman a ni.