August 17, 2023; Manipur buaina avanga an sahimna zawnga Mizorama rawn tlan lut mi 12,608 an awm mek.

Heng Manipur raltlan lolutte hi Aizawl dist. ah 4,272, Kolasib dist. ah 4,443, Saitual dist. ah 2,951, Champhai dist. ah 407, Khawzawl dist. ah 116, Serchhip dist. ah 99, Mamit dist. ah 164, Lunglei dist. ah 44, Hnahthial dist. ah 8, Siaha dist. ah 31, Lawngtlai dist. ah 73 an awm.

Relief camp hi Mizoramah 38 a awm a, Aizawl dist. ah 13, Kolasib dist. ah 14, Saitual dist. ah 9, Khawzawl dist. ah 1 a awm a, hengah hian mi 2,765 an awm a, a dang te hi chhungte bel, in luah leh hall remchang a awm te an ni.

Raltlan lolut hi awm zeuh zeuh mahse lolut zingah kir leh an awm thin a, chuvang chuan raltlan zat han hniam leh changte an awm a ni.

Raltlan loluh tamna Khawkawn bul Tuivai atangin August ni 15 zing dar 6 atanga nimin zing dar 6 inkarah khan motor 93 hmangin mipa 252, hmeichhia 87, a vaiin 337 an lolut a, mahse a thente hi raltlan hruaitu leh lirthei enkawltute an ni.