ZALEN August 10, 2023 : Vawiin tlai khan Indigenous Tribal Leaders' Forum (ITLF) hruaitute chuan Central YMA Committee Room-ah chanchinthar lakhawmtute an kawm a, Mizoram mipui, sawrkar leh CYMA chungah lawmthu an sawi a, naktuk hian Mizoram Chief Minister hmuh an tum.

ITLF te chuan Martyr 35 te phum an tum chungchangah Home Minister Amit Shah thurawn anga hmun danga phum chungchang chu anni thutlukna siam theih a nih loh thu leh mipui te rawn chunga thutlukna siam a nih tur thu an sawi. Chief Minister hi Home Minister nena an inkawmna chungchangah sawipui an tum a, CM an hmuh zawh hunah Lamka lamah an kir ang.

Phai lama tlangmi thi te ruang lakkir chungchanga Home Minister-in a tiamna chu lawmawm an tih thu an sawi a, ruang an finfiah theih chin hi mi pakua niin a rang lamin heng ruang te hi tlang lamah thawn an ni dawn a ni.