ZALEN July 24, 2023 : Vawiina Siaha Congress Bhawan a Mara District Congress Committee hruaitu sang thutkhawm chuan 27.7.20230-a Siaha khawpui a UCC duh lona leh Manipur zohnatlak te thlavang hauna kawngzawh neih tura a lo rel tluk tawh chu thulh nise tiin an rel.

Mara District Congress Commitee Media Secretary Abie Notlia'n ZALEN a hrilh danin Dt.25.7.2023-a Siaha a All NGO's ten MTP Gen Hqrs, Siaha kaihhruaina hnuai ah Manipur a tribal te thlavang hauna kawngzawh neih a nih dawn avangin Mara District Congress ten an programme lo duan tawh sa chu thulh a ni thu leh Congress member tawh phawt chu he kawngzawh na ah hian tel vek an tum thu a sawi. Mara District Congress in All NGOs kawngzawh tur a thlawp lantir nan naktuk hian Congress Bhawan pawh khar ani tur thu a sawi.