Aizawl: MNF Vice President R.Tlanghmingthanga chuan, "Martar chhungkuate, ram leh hnam tana an nunna thapa inpe, tuna nung dama la awm zawng zawngte pawh an pual liau liauin chhawmdawlna tur sum dah a ni dawn a ni," a ti.
Nimin Hnam Runa Supply Inspector Zairemthanga ruhro lo hmuahna ah thu sawiin MNF Vice President chuan, "Ram leh hnam tana inpete hi kan ngaisangin kan ram leh hnam tana ro hlu tak min phumsaktute an ni a, kan hre reng tawh dawn a ni," a ti. Thusawitu dang Ex Minister K.Vanlalauva pawhin, "Kan hnam tana martar-te hi hmusitin diriamtu awm thin mahse, an hlutna hi thangtharten an la hrechhuak zel dawn a ni," a ti bawk.
Zairemthanga hi Gauhati-ah College a kal laiin kum 1966 khan Zoram-ah rawn chhuakin an inpui tlawh lovin a rammu nghal a, chumi hnuah Supply

Inspector hna chelh a, amah hi mi huaisen tak niin ni 8.2.1969 khan India sipaite kutah a thi a ni.