Khawpuia traffic jam hi thil thleng lo thei, tul lo taka kan buaipui em em a ni lawi si. Hei vang hian traffic kal hmang hre em em Mathematician te a ti thinrim hle a,traffic jam nasat em em chhan hi local traffic engineer te kutchhuak liau liau niah an ngai hmiah a, an dem em em a ni. "Traffic kalphung pangai a kal tur hian system fel fai tak an nei lo a ni," tiin Alexander Krylatov, Mathematician professor, St Petersburg University-a thawk chuan a sawi thlawt. "Engineer ten hmun thenkhatah traffic hi ziaawm deuhah ngaiin a hlawhtlinna lo hmu pawh ni sela, reilote hnuah traffic kal dan inher danglam thin mahse, hun reilote chhungin  hmun dangah traffic jam a thleng leh tho thin," a ti. Krylatov hian khawpui-a traffic jam thleng fo thin hi thleng tawh ngai lo tura sutkian a duh lutuk naah,'Math hmanga traffic sutkian dan' tih lehkhabu ziakin hmaa la ta rawih a. 

Traffic jam sutkianna tur point 4 a duang chhuahte chu:
 
1. Drivers zawng zawng hi navigation system pakhat hnuaiah an awm tur a ni. Car zawng zawng hi center pakhat atanga instruction pek chhuah a nih chauh-in tha tak leh awmze nei zawkin an kal thei dawn chauh a ni. Navigation system pakhat chauh atanga driver thenkhat kaltir hian traffic jam a su kiang pha lo.

2. Park phal loh: Khawpui kawng tam tak hi a zim em em a, tih zau ngaihna lah a awm der tawh bawk silo. Traffic-flow model hian park theihna hmun thenkhat hian lirthei tlan theihna tur lane a siam theih nge theih loh tih a lantir thei ang.

3. Green lane: Electric car hman uar duh khawpui thenkhat te tan special lane electric car tan siam nise la, an kalna kawng leh tlanna man hi chawi turin ruahmanna siam ni bawk se.

4. Digital twins : Traffic demand leh infrastructure awmsa hi digital modeling nen tankawp tir a, chu chuan kan kawng awmsa hman dan hi a letin a awlsam zawk dawn bawk a ni. Chumi hrin chhuah software chu "transport engineers te tan a ngaihtuahna hmanraw pawimawh em em" a ni ang.

Traffic modeling hi applied mathematics peng khat pawimawh leh hriatthiam harsa leh khirh deuh mai a nih nachhan pakhat chu, driver te hi mahni hmasial leh mahni hmakhua chauh ngaia inhai kuak tum anga ngaihna lian tak a awm thin. "Kumtin hian kawng thawm that leh siam that nan hman tur budget thahnem fe hi dah a ni thin. Kan model siam ve thung hi chuan hetiang fund (sum) hi a tangkai thei ang bera hman dan tur hmanraw chi hrang hrang siam a rawt ve thung," a ti. 

I lo ngaihtuah ve mai mai atan,"He case a Mathematics lam atanga thlirna hi engineering leh economics lam aiin a chungnung zawk a ni tih hi,"