MC bangah ICON Sangliana thlalak

ZALEN Oct. 28, 2024; Vawiin (28.10.24) hi Youth Icon Lalsangliana (Taitea) piancham a ni a, chumi pual chuan a fans group ten Milenium Centre-ah a thlalak lian tawk tak pahnih an tar.

Sangliana, Bawktlang khaw tlangval hian whatsapp lamah fans group a nei nual a, chung a fans group te hmalakna chuan Aizawl khawpui laili, Milenium Centre bangah a thlalak pahnih lai an tar a, senso pawh a sang thawkhat tura ngaih a ni.

MC a Sangliana thlalak tar a nih hma hian Tuidam tlangval J Lalrosanga thlalak pawh tar a lo ni tawh.

LPS Youth Icon zo tawh mah se boruak a nei lian chho zel a, top 10 chin ten thilpek an dawng nasa hle, pawisa fai mai bakah In hmun thleng a pek an ni mek.