ZALEN Jan 21, 2026: Mizo zinga a hmasa ber ni turin Lt. Col. Dr. Lalsangzuala Chinzah, Bungkawn (Aizawl) chuan All India Institute of Medical Sciences (AIIMS), Bhubaneswar atangin Master of Chirurgiae (MCh), Neuro surgery a pass.

Lt. Col. Dr. Lalsangzuala Chinzah hian Silchar Medical College-ah MBBS zirin kum 2006 khan Indian Army-ah Captain rank-in a lut a. Kum 2010 khan Major rank-ah kaisangin, kum 2011 khan nupui Lalrintluangi neiin fanu pahnih an nei. Kum 2011-ah vek PG (Surgery) zir turin a inziak tling a, Armed Forces Medical College (AFMC), Pune-ah service kum thum chhung a zir hnuah kum thum service lehin kum 2017 khan Lt. Col rank-ah a kaisang leh a ni.

Kum 2017-ah super specialist Mch (Neuro-surgery) zir turin a inziak tling a; AllMS, Bhubaneswar-ah kum 2018-ah khan a zir tan a, tunah zo felin Mizo in Neuro Surgeon kan neih hmasak ber a ni ta a ni. Lt. Col. Dr. Lalsangzuala Chinzah hi sipai doctor a nih angin Guwahati-a Military Hospital-ah an post dawn a ni.

#ZalenNews