ZALEN July 24,2023: Mizoram Director General of Police Anil Shukla, IPS chuan ruihhlo do kawngah Mizoram Police ten theihtawp chhuah chhunzawm zel an tum tih a sawi a, Meitei vau tawk an la hriat loh thu leh hlauh avanga haw an nih thu a sawi bawk. 

Vawiin chhun khan Mizoram DGP thar hian a office ah chanchinbumite thingpui a inpui a. Tunhnaia drugs tawlhruk a tam chhan chu Manipur buai kaihhnawih a ni thei tih a sawi a. Mizoram Police ten drugs an man te chu hmun danga hman tur nia a hriat thu a sawi.

Meitei chungchangah a tul angin venhimna pek zel an tum tih a sawi a. Hetih lai hian Mizorama Meitei te zingah vau tawk an awm a hriat loh thu sawiin hetih lai hian thenkhat erawh an hlauh avanga haw an awm tih a sawi a. Meitei chungchangah hian Assam leh Manipur DGP te nen an inbiakpawh reng thu a sawi bawk. DGP chuan naktuka tlawmngai pawl ten kawng an zawh tur chu muanawm taka neih anih a rin thu a sawi bawk.

Mizoram DGP thar Anil Shukla hi ni 12.11.1970 khan New Delhi ah a piang a, kum 1996 khan Indian Police Service a zawm a, AGMUT cadre ah dah a ni.