ZALEN, June 12, 2024; Melthum leimin a boral zing a mi, ruang la hmuh loh naupang 2 leh mipa kum 42 mite chu zawn chhunzawm zel an la ni dawn.

Melthum branch YMA hruaitute hnen atanga ZALEN thudawn danin, May ni 28, 2024 a leimin vanga boral te zing a mi, vawiin thleng a ruang la hmuh loh te hi Melthum YMA te ruahmanna angin a theih ang anga zawn zel an la ni a, hetihlai hian an vengchhung inkalpawhna kawngpui leiminin a hnawhte chu hnatlangin an thianfai mek bawk a, hemi vang hian ruang zawn hna hi a khaihlak chang a awm thin.

Vawiin thleng a ruang la hmuh loh te hi thla 4 mi, Ramdinsangi, kum 8 mi, Lalvenhima leh Lalthakima (42) te an ni.