Aizawl February 21, 2024 : Excise & Narcotics Department chuan Tlangsam, Champhai district-ah Methamphetamine thahnem tak an man.

Excise & Narcotics Department chuan vawiin chawhma dar 11:30 khan Lalenga Lungdawh hmun, Tlangsam khua, Champhai District-ah Methamphetamine Kg 50 & gram 227 (Tablet 5,05,000), packet 50-a fun leh a neitu nia puh mi pahnih – Lallawmzuali (28) d/o Lalauva leh Lalramzauva (31) s/o Lalrengliana, Khawmawi, Myanmar-a khawsa ve ve nia inchhalte chu an man.

Heng Methamphetamine te hi Myanmar atanga lak, a remchang anga tihral tura ruahman mek niin an sawi.

Methamphetamine vanga mante hi The Narcotic Drugs & PsychotropicSubstances Act, 1985 tlawhchhanin thubuai siamsak a ni.