July 6, 2023; Vawiin hi Mizoram-a Hmeichhia te insuihkhawmna pawl lian ber, Mizo Hmeichhe Insuihkhawm Pawl (MHIP) dinchampha, MHIP Day vawi 49-na a ni a, he ni hi sawrkar Pisa Chawlh-a puan a nih angin sawrkar Pisa leh zirna In te khar a ni ang.
MHIP Day hi Mizoram hmun hrang hranga MHIP dinna hmunah uar taka hman tura ruahman a ni a, Branch tin ten anmahni remchan ang zelin, intihhlimna hun hman pahin infuihtharna hun te an hmang ang.
Tun dinhmunah MHIP hian Mizoram pumah Sub-Hqrs. 10; Block 26, Joint 19 leh Branch 758 neiin Member mi 2,80,000 vel an awm mek a, MHIP Day pual hian MHIP General Hqrs. chuan kan Zohnathlak unau raltlan hmun hrang hranga awm te tan tanpuina pawisa leh bungrua an pe a ni.
