ZALEN May 20, 2025; Tuipuiral Block huam chhunga Mizo Hmeichhe Insuihkhawm Pawl, Vaphai branch chuan an khuaa chhungkaw pakhat, Sanghnuna te chhungkua, damlohna leh chhiat tawhna avanga ram lam hna thawk chhunzawm thei lote Zikhlum hmunah nimin khan fehin Zikhlum ṭiak tha hnem tak an phun sak. 

Vaphai MHIP hnatlangah hian member 34 an thawkchhuak a, Zikhlum ṭiak an phun sak Sanghnuna hi cancer vangin Shillong a damdawiin pakhatah enkawl mek a niin a nupui hi ZMC & H ah zaipui tawkin engmah thawk thei lovin a awm mek a, kumin Feb. thla khan an fapa in a boral san bakah ram hna thawk thei an awm loh vangin Vaphai Branch MHIP te hian Vaphai atanga Km. 3 vela hla, Sersih rama an thlawhhmaah an chhungkua khaichhuak turin hnatlang hi an huaihawt ta a ni.

#ZalenNews