Mi 4 kang hliam Ngaizawl khua James Paungaihlian (38) leh a nupui Manglianniang (30) bakah an fate pahnih Esther Paumuansang (1) leh Timothy Liandeihpau (3) te chu Zirtawpni kalta zan dar 7 vel khan an Gallon-a petrol chambang atanga kangmei chhuakah an kang hliam a, Khawzawl CHC panpui nghal an ni. James Paungaihlian te Gallon hi miin petrol thun nan an hawh sak a, a bur hi a fai tawh emaw tiin khawnvartui an thun hnan a, khawnvartui bun chhuaka laltin-a an thun mek laiin petrol chambang alh chhuak thutin mei hian a hliau hman a, ngaihtuahawm lutuk erawh an ni lo nia thu dawn a ni.