Aizawl : April 1, 2021 thleng khan Mizoram chhungah mi 53626 ten covid vaccine 1st dose an la tawh a, heng zingah 19998 te chu kum 45 chuang tawh khawtual mi pangai an ni. Dose khatna leh hnihna la tawh mi 14632 an awm.

Health care worker zingah mi 12319 ten 1st dose la tawhin mi 10403 ten dose hnihna an la tawh. Frontline worker zingah mi 21309 ten dose khatna la tawhin mi 4162 ten dose hnihna an la tawh a, 17147 ten dose kimin an la la lo. 

Kum 45 leh 60 inkar vaccine la tawh hi mi 2277 an ni a, mi 13 chiahin dose hnihna hi an la thung. kum 60 chunglam zingah mi 17721 in dose khatna la tawhin dose hnihna la hi mi 54 an ni.

Ningani bikah khan Health worker pahnih ten dose khatna an la a, mi 54 ten dose hnihna an la thung. Frontline worker zingah hemi ni hian dose khatna la 28 awmin dose hnihna la 506 an awm a, kum 45-60 inkarah mi 415 ten dose khatna an la a, mi 13 in an dose an la zo. Kum 60 aia upa 299 ten an dose khatna an la a, mi 41 in an dose hnihna an la ve bawk.